مهمة جدا نفهم إيه “نظرة عامة للعالم” Worldview بتاعتنا، لأنها بتأثر علينا وعلى اللي حواليينا من صحاب، عيلة، شغل، ايماني وعلاقتي بالله ، وحتى على المجتمع كله. وعلشان كده هنبدأ سلسلة مقالات خاصة بموضوع نظرة العالم . كمان فيه علي الموقع كورس عن وجهة النظر العالمية Worldview.

في المقال ده هنتكلم عن السؤال الأساسي: إيه بالظبط “نظرة عامة للعالم”؟ بعدين هنوصل للمفاهيم العملية زي ازاي بتشتغل، وبتتكون، وعددها، إلخ. بس مهم نبدأ بفهم كويس للتعريف الأساسي.

الكل ليه نظرة عامة زي ما هوضح في المقال دا ، الكل ليه نظرة عامة خاصة فيه، مش معنى كده إننا واعيين بيها طول الوقت، أو فاهمين ازاي بتأثر على تفكيرنا، تصرفاتنا، وطريقة تعاملنا مع الناس. زي ما بتقول ماري بوبلين:

“أي نظرة عامة بنتمسك بيها بتشكل إزاي بنلاحظ أو نتجاهل حاجات، وازاي بنفسر اللي بنشوفه ونعيشه، وازاي بنعالج المعلومات، وبالآخر إزاي بنتخذ قرارات ونتصرف. هي زي عدسة بتخلينا نشوف الواقع صح أو بتحرفه”.

فكر في نظرتك العامة زي مثلا النظارة ، ياما بتعدل لك الصورة أو بتحرفها وتبوظها. زي ما بيقول رونالد ناش:

“كل واحد فينا ليه نظرة عامة، سواء عارف ولا لأ، عاجبه ولا لأ”.

كلمة “نظرة عامة للعالم” جاية من الكلمة الألمانية “Weltanschauung” اللي استخدمها الفيلسوف “إيمانويل كانت” لأول مرة سنة 1790. وواحد من أهم المفكرين اللي بيشتغلوا على الموضوع ده دلوقتي هو “جيمس ساير”.تعريفه لـ”نظرة عامة للعالم” هو:

التزام، توجه أساسي للقلب، ممكن يتعبر عنه بقصة أو مجموعة افتراضات (صح، نص صح، أو غلط خالص) بنتمسك بيها (بوعي أو بدون وعي، بشكل ثابت أو متغير) عن البنية الأساسية للواقع، وبيدي الأساس اللي بنعيش ونشتغل ونعيش عليه

تعريفات تانية بيقدمها ناش في الموضوع وهو تعريف مختصر ومفيد على إن “نظرة عامة للعالم” هي “مجموعة معتقدات عن أهم الأسئلة في الحياة”.

وبيتشابه تعريف مايكل جوهين وكريج بارثولوميو مع تعريف ساير:

“نظرة عامة للعالم هي صياغة للمعتقدات الأساسية المضمنة في قصة كبيرة مشتركة، متأصلة في إيمان، وبتشكل وتوجه مجرى حياتنا الشخصية والعامة”.

باختصار، نظرة عامة للعالم : هي الطريقة اللي بيها كل واحد فينا يسأل ويجيب على أهم الأسئلة في الحياة، وبعدين يٌفسر الواقع ويعيش على أساسه.

هنتكلم عن بعض الأسئلة الكبيرة اللي كلنا بنسألها والقصة اللي عايشنها في المقال الجاي إن شاء الله.

المراجع

  • Worldviews: An Introduction to Christian Thought by James W. Sire
  • Living at the Crossroads by Michael Goheen and Craig Bartholomew
  • The Universe Next Door by James Sire
  • Escape from Reason by Anthony Flew