من فتره وقت الحرب اللي كانت بتحصل حضرت وعظه عن السماء والجحيم والفرق بينهم من كذا ناحيه.. وقتها جالي خوف رهيب من الحرب و خوف اني ممكن ابقي مصيري بأي نسبه بسيطه مش مع الله ومع اللي سمعته في الوعظة ووصف الجحيم والعذاب اللي فيه مابقتش عارفه اربط مابين الله المحب والغفور والرحيم والله اللي موافق علي عذاب ناس هو خالقهم وبيحبهم للابد حتي فكرت أنه ليه اصلا عذاب هي مش حاله الانفصال والغربه عن الله بعد الموت كفايه أنها تعيش الإنسان في حاله موت برضو .. غير وقت المجي التاني وأنه علي حسب بعض التفسيرات هيكون في حاله من الفوضي والخوف والهلع قبل ما نروح للسماء كأن الخوف و الفزع هيفضلوا موجودين.. وانا عارفه أني لو مع الله مش هخاف وهحس بسلام بشكل ما بس انا سؤالي ازاي الله يوافق يشوف اللي خلقهم بيتعذبوا للابد وليه المجي التاني ما يحصلش من غير حاله الفوضي والخوف اللي موجودة في سفر الرؤيا ومع كل ظرف حوالينا في خوف الاقي ناس بتتكلم عنه .