الكسرة

كان في بنت عرفتها من اربع سنين حسيت انها شخص جميل من جوة عرفتها اكتر وكان في مساحة بنتقابل فيها كتير وحاجات مشتركة وبقينا أصحاب دايما كانت بتهتم وبتسأل وانا برضه كنت بعمل كدا وصلت العلاقة بيننا لحب واحترام كنت يساعدها في حاجات كتير وهي كانت بتعمل كدا حتي لو أقل شوية بس ملتزمة تعمل كدا .
لحد متغيرت وبعدت وبقيت واحدة تاني حتي مش عايزة تسلم لو شفتها في أي مكان .
اتكسرت شكيت في نفسي حسيت انه لبانة اتمضغت واتفت زي اي حاجة رخيصة بتترمي ..
معنديش لوم أو حقد أو مرارة المشكلة بقيت جوايا انا … بقيت خايف من كل الناس وحاد مع اي حد بيقرب مني بحس أنه عايز يمضغني ويتفني زي البنت دي .
ازاي اتخطي الموضوع وانسي خاصة أنه احنا مازلنا في أماكن بتجمعنا وفي شغل بتعمله مع بعض احيانا بس انا مش قادر وطول الوقت حاسس أنه مكسور ومخدوع ومجروح وكنت وسيلة مش غرض زي اي حاجة باستخدام .
صلولي 🙏